أكتوبر 10, 2023الغاء امتحان الشهر لصفوف النقل

 الوان براز البيبي حديثي الولاده

لو انت مامي لاول مره أكيد هتكوني قرفانه من تغير البامبرز لطفلك بس وانت بتغيري البامبرز لازم تأخدي بالك من لون البراز وتراقبيه كويس جدا لان أختلاف لون البراز ممكن يقولنا ان البيبي عنده مشكله لا قدر الله .

ودلوقتي هنقولك علي الالوان اللي ممكن تشوفيها عند تغير البامبرز وعلي ماذا تدل .

• اللون الاسود :

ده لون طبيعي لبراز الطفل حديثي الولاده لان ده بيكون بسبب باقي مخاط الولاده والسائل الامنيوسي فممكن يستمر لمدة يومين فلا داعي للقلق .

• اللون الاصفر المسطرده : 

ده لون براز الطفل حديثي الولاده اذا كانت رضاعته طبيعيه ولا ياخذ لبن صناعي فبيكون البراز لين ولونه اصفر .

• اللون البني :-

ده بيكون لون براز الطفل اللي بيرضع صناعي بيكون لون البراز اصفر × بني وبيكون متماسك شويه عن براز الطفل اللي بيرضع طبيعي .

• اللون الاخضر :-

وده بيحصل لما الطفل بيبدأ يأخذ حديد او بنبدأ ندخل الاكل الي جانب الرضاعه .

ملحوظه :-

كل الالوان اللي فاتت دي طبيعيه ومفيش فيها اي قلق لكن اللي يقلق الالوانات اللي جايه فلازم تأخدي بالك كويس .

• اللون الاحمر :-

لو طفلك بأ ياخد اكل لونه احمر زي البطيخ والبنجر يبقي مفيش اي مشكله لو البراز لونه احمر .

طيب لو أكله مفيش فيه اي لون احمر  وكمان لوكان ف البراز دم هنا بيكون الخطر لان ده يدل علي ؟

وجود التهابات في المستقيم او في فتحة الشرج .

• براز ابيض او ابيض مصفر :-

الحاله دي لازم تكشفي لان ده معاناه انه العصاره الصفراويه للكبد مش بتوصل للامعاء او لانها لا تفرز اصلا او لوجود انسداد في القنوات المراريه تمنع خروجها .

• البراز لونه رمادي :-

لابد من استشارة الطبيب ايضا .

• لو القوام سائل زي الميه وعدد المرات كتير ده بيكون اسهال ولازم نعوضه بالسوائل او بمحلول معالجة الجفاف .
• طيب لو البراز فيه مخاط ده معناه وجود التهاب ف الجيوب الانفيه وده ساعات بيكون ساعة التسنين او نزلات البرد .
• لو عدد مرات البراز اقل عن الطبيعي ده بيكون امساك وده لازم نشرب الطفل سوائل كتير او ونأكله الحاجات اللي بتقلل الامساك زي (الكوسه / الخوخ / والخيار ).

طيب الوان البول ودلالاته :-

• اللون الاصفر الفاتح : دليل علي ان طفلك بياخد كفايته من الرضاعه .
• طيب الصفر الغامق : ده دليل علي ان الطفل عنده جفاف .
• لو لون احمر او اسود او بني :  فلازم لازم نروح نكشف .
• طيب لو لاقينا نقط دم وتسلخات فممكن يكون الدم نتيجة التسلخات لكن لو اتكرر فلازم لازم لازم نروح نكشف .