اذاي نبقي اصحاب ولادنا
ولادنا امانه وهبه من عند ربنا لازم نحافظ عليها والمحافظه دي مش بس اننا نفضل نراقب تصرفاتهم ونعلق علي كل موقف وكل كلمه وكل حركه .
في حاجات لازم نعديها كأنها محصلتش وفي حاجات لازم نتكلم مع ولادنا ونفهم ايه الغلط اللي حصل علشان يتعلموا من اخطائهم وعلشان متتكررش تاني .
وفي مواقف لازم يحسوا بالعقاب علشان يعرفوا قيمىة الثواب والعقاب .
بس ف الاصل لازم نصحاب ولادنا لازم نعرف ايه اللي بيفكروا فيه ولازم نفهم كويس ان الجيل غير الجيل وعمرهم ما هيكونوا زينا لازم احنا اللي نحاول نكون زيهم او علي الاقل نحاول نفهم دماغهم .
الموضوع هيكون صعب بس ولادنا يستهلوا مننا كده واكثر .
ودلوقتي نتعرف علي الاسباب اللي مش بتخلي ولادنا يحكوا معنا علي مشكالهم .
اولا : النقد المستمر :-
مينفعش نفضل نتقد اولادنا علي كل تصرف وكل موقف لازم يكون عندنا مرونه في التعامل معاهم وخاصا في ملرحلة المراهقه ومينفعش النقد ده يكون في وجود اي حد .
ثانيا : الهجمات السريعه والمفاجئه :-
لو ابنك او بنتك جايه تحكيلك علي موقف وكان رد فعلك سريع وعصبي ولو كانت عصبيتك دي من غير سبب تاكدي ان ابنك او بنتد مش هيرضي يحكيلك اي موقف او بمعني اصح هيكون متردد جدا انه يحكيلك اي موقف فخدي بالك من ردود افعالك يعني حاولي علي قد ما تقدري تتمتعي بالثبات الانفعالي انا عارفه ان الموضوع صعب بس خلينا نتعب شويه علشان خاطر ولادنا .
ثالثا : الاحكام السريعه المطلقه :-
مينفعش نحكم علي اولادنا ف المطلق لازم نسمعهم الاول يعني لو حد اشتكالك من تصرف ابنك او بنتك لازم نسمعهم الاول قبل ما نحكم عليهم انهم غلطانين يمكن الطرف الثاني هو اللي غلطان يمكن اولادك معرفوش يعبرو عن نفسهم بالطريقه الصحيحه .
رابعا :احترام مشاعر الاطفال :-
ليجب علينا كاباء وامهات احترام مشاعر اطفالنا وعدم السخريه منها مهما كانت بسيطه او من وجهة نظرك انها تافهه لازم نقدرها ونوصله اننا فاهمين ومقدرين زعله او غضبه .