ايه الوقت المناسب للتعود علي التويليت
الحقيقه ان تعود الطفل علي لبس البامبرز منذ اليوم الاول للولاده حتي مرحلة دخول الحمام والتخلص من البامبرز ليس بالامر الهين علي الاطلاق حيث انه يأخذ الكثير من الوقت والجهد من الام ولذلك من المفضل ان يكون هناك مسانده معنويه من الاب والزوج .
ولكن السؤال هنا امتي ناخد قرار تعويد الطفل علي التويليت واذاي نبدأ ؟
- بعض النقاط التي تساعدك اول ما تاخدي القرار ده :-
- الحاجه التانيه :-
- كمان مش كل الاطفال زي بعض في طفل لازم يتعود علي البويتي الاول لانه بيخاف من التويليت وفي طفل تاني بيفضل التويلت علي طول .
- خليكي مستعده الفتره دي لمدة شهر كحد اقصي ممكن قبل كده علي حسب كل طفل والتاني .. لكن المؤكد ان البنات بيتعلموا بسرعه عن الاولاد .
- اخلعي البامبرز طول النهار ولبسيه للطفل وقت الخروج ووقت النوم فقط ولبسيه هدوم تكون سهله انه يفكها علشان يروح الحمام .
- قعديه علي البوتي او الحمام اول ما يصحي من النوم وبعد الوجبات ومن ساعه الي ساعتين اعرضي عليه الحمام .
- شجعيه كل ما يقعد علي البوتي او الحمام حتي لو معملش .
- كلميه انه كبر ولازم يدخل الحمام زي بابا وماما واخواته .
- طبيعي ان يبقي في هرجله في البيت في الفتره دي فمن الافضل تشيلي السجاد علشان يكون سهل عليكي تطهير وتنظيف الارض .
- راقبي حركاته وتصرفاته يعني لو مسك احد اعضائه او استخبي ورا الستاره او تحت الكنبه او قعد وضع القرفصاء ممكن يكون عايز يدخ التويليت .
- ومعني كده انه مينفعش نضرب الطفل او نزعقله وقت التدريب علشان ده بيجيب نتائج عكسيه .
- اكيد كتير هيعمل بس مش في البوتي ولا الحمام .. ساعتها خليكي هاديه ولا كأنه عمل حاجه .
- وبعد وقت معين هيبتدي الموضوع يظبط معاكي ومع طفلك ولما يعمل كده حسسيه انه عمل انجاز وشجعيه بكل لطرق الممكنه وخلي بابا واخواته وتيته وجدو كمان يشجعوه هيفرق معاه كتير .
- لو خايف من الحمام ممكن تيجبي سلم يطلع عليه وتبقي زي لعبه علشان تشجعيه .
- لو نجحتي انك تخلعي البامبرز بالنهار انتي كده حليتي نص الموضوع .
- ولو لحد 5 سنين عند تبول ليلي اكشفي وانتي كمان قللي السوايل والعصاير بالليل وبرضه عوديه يدخل الحمام قبل النوم .
- بعد كده لازم تعوديه انه ميخلع ملابسه الشخصيه امام اي حد وعلميه ايه هي النظافه الشخصيه .
- وان شاء الله بعد التعب ده هتحققي اللي انت عايزاه ... وربنا معاكي .