طريقة تحضير مرقة الدجاج او الخضروات
اذاي نقدر نعمل مرقة الدجاج بنفس الطعم اللي بنشتريه من برا بس ضمانين نضفتها علشان نقدم لاولادنا اكل صحي خالي من المواد الحافظه ووعارفين مكوناته ايه وضمننها وتحضير مرقة الدجاج سهل جدا جدا ومكوناته متوفره في اي مطبخ وكمان مش مكلف خالص ونقدر نعمل منها كميه كبيره نخزنها في الفريزر ومش بتاخد منك وقت خالص يعني سهله ومش مكلفه .
مكونات مرقة الدجاج :-
- 3 ملاعق دقيق .
- 1/2 ملعقه كبيره كاري .
- 1/2 ملعقه كبيره ملح .
- 1/4 ملعقه صغيرة فلفل اسود .
- 1/2 ملعقه صغيره كمون مطحون .
- 1/2 ملعقه حبهان مطحون .
- ملعقة ثوم بودر .
- 2 ملعقه كبيرة سمنه .
- 2 كوب شوربة دجاج كامل الدسم .
- في اناء كبير علي النار نضع السمن ونضيف عليهم الدقيق ونقلبه حتي يصبح لونه ذهبي ثم نضيف كل التوابل و الملح ونواصل التقليب ثم ننزل بالشوربه علي الدقيق بهدوء علشان يفضل لين من غير كلكعه ونقلب كل المكونات كويس جدا ونتأكد انها اندمجت مع بعض .
- نترك المكونات تهدأ قليلا ثم نحضر قوالب الثلج ونضع فيها المكونات ونضعه في الفريزر حتي يتجمد .
- نخرج القوالب ونضعها في اكسياي بلاستيك في الفريزر او نتركه في القوالب ونغطيها بكيس بلاستيك ايضا ونأخذ منها وقت الحاجه .
لعمل مرقة اللحم فالاختلاف بسيط في الاضافات بينها وبين الدجاج وهي اضافة شوربة اللحم بدل شوربة الدجاج مع اضافة بصله وباقي المكونات السابق .
مرقة الخضروات :-
- 3 كوب ماء .
- خضروات طازجه ( كوسه - جز مقطع - بسله - فاصوليا - بطاطس مقطعه .
- بصله كبيره .
- 6 فصوص ثوم .
- نترك كل المكونات السابقة علي النار حتي تغلي جيدا .
- نصفي الخضروات من الشوربه .
- نضع الدقيق علي النار ونستخدم شوربة الخضروات بدل شوربة اللحم او الفراخ ثم نضيف كل التوابل السابقه .
- نضع الشوربه ايضا في قوالب ونضعها في الفريزر .