البطاطا غذاء متكامل للرضع
البطاطا من الاطعمه الحلوه لذيذة الطعم والتي يمكن ادخالها للرضع من الشهر السادس وينفع نضفها علي بعض الخضروات الاخري علشان تخلي طعمها حلو زي الكوسه والجزر .
وينفع برضه نضفها علي الفواكه بس لازم نجرب للطفل نوع واحد من الفواكه كل 3 ايام علشان نعرف اذا كان الطفل عنده حساسيه من اي نوع من الفواكه .
ونختار للطفل ثمرة البطاطا صغيرة الحجم علشان نسبة النشا بتكون اقل وكل ما كان لونها برتقالي بتكون افيد علشان تبقي مليانه بمضادات الاكسده .
ولاطفال المدرسه ممكن نهرسها ونرش عليها قرفه ويتناولها في المدرسه كوجبه غذائيه عاليه القيمه وممكن نعملها زي البطاطس المحمره صوابع يعني لو الاطفال مش بتحبها كبطاطا .
تعتبر البطاطا من اهم انواع الغذاء التي ترفع مناعة الاطفال وخاصا في فصل الشتاء وتقيهم من الاصابه بنزلات البرد وهي غنيه جدا بالكثير من العناصر الهامه لصحة الطفل منها :-
- البطاطا غنية بفيتامين س وفيتامين ( ه ) ودورهم مهم جدا لمهاجمة الفيروسات زي البرد ورفع مناعة الجسم عند الاطفال .
- البطاطا غنيه بفيتامين ( أ ) وده دوره مهم جدا علشان تقوية نظر الاطفال ونمو شعرهم وبيقوي المناعه عندهم ومهاجم قوي ضد امراض السرطان .
- البطاطا من اهم مصادر الالياف الطبيعيه التي بتحمي الجهاز الهضمي عند الاطفال من اي اضطراب مثل ( الامساك ) .
- كمان البطاطا من اهم مصاد النشويات التي بتمد جسم الاطفال والرضع بالطاقه .
- البطاطا مهمه لاتمام الوظائف الحيويه في جسم الرضع والاطفال علشان بتحتوي علي فيتامين ( ب 5 - 6 ) .
- تحتوي البطاطا علي نسبة لا بأس بها من عنصري الحديد والكالسيوم المهمين لبناء العظام وتقوية الاسنان ومنع الاصابه بالانيميا .
- تحتوي البطاطا علي البوتاسيوم وبيظهر دوره في بناء العضلات وتكوين الخلايا العصبيه عند الاطفال .