خطوات لعلاج الشعر الهايش
المحتوي العام للمقال [ عرض]
- أسباب هيشان الشعر(صحية - نفسية ) .
- شرب الماء ضروري لصحة الشعر ,
- خطوات علاج هيشان الشعر .
الشعر الهايش يمثل مشكله للكبار والصغار سواء كانوا بنات او اولاد او كبار وعلشان نعالج الشعر الهايش لازم نعرف ايه اسبابه فممكن تكون بسبب قلة المياه في الجسم او ممكن يكون بسبب احتياجه للمزيد من الغذاء والبروتين وبعد كده نتعرف علي طريقة علاجه.
ومن الملاحظ ان انواع الشعر مختبفة فلكل نوع شعر حمام كريم المناسب له وعلشان نعرف النوع المناسب لشعرنا لازم نجرب كل الانواع ونختار منها اللي يناسبنا وعلي الاقل نعمل حمام الكريم مرتين في الاسبوع من نوعين مختلفين علشان نلاحظ الفرق .
خطوات علاج الشعر الهايش :-
- شرب كميه كافيه من المياه يوميا :-
ففي البدايه لازم نهتم بالمياه فيجب اعطاء كوب مياه لكل عام فلو كان عمر الطفل 3 اعوام لازم نشربه 3 اكواب مياه ولو عمره 8 سنوات فلازم نشربه 8 اكواب مياه وبعد ال8 اعوام فلانسان العادي بشرب 8 اكواب ايضا في اليوم لان ده بيساعد الشعر انه يكون مترطب .
- حمام الكريم قبل الحمام :-
بعد كده نبدأ في المرحله الثانيه من العلاج وهي حمام الكريم وده بيكون واحد من 3 انواع :-
النوع الاول :-
- ( الزبادي + عسل النحل - وخياره مبشرورة + كبسولة فيتامين ب او صبار او) ايا كانت المكونات المتوفره في البيت فبناخد المكونات ونخلطهم كويس مع بعض وندهن بيهم الشعر ويصلح للاطفال بعد سن العام .
النوع الثاني :-
4 ملاعق من زيت جوز الهند البكر ( والزيت البكر يكون متجمد في فصل الشتاء + 1 ملعقه فيتامين e او زيت افوكادو ) وندهن بيهم الشعر ونتركه عليه لمدة ساعتين ونغطي الشعر بكيس بلاستيك او بونيه ونشطف الشعر بالمياه الدافئه .
النوع الثالث :-
- 2 ملعقه من لبن جوز الهند بعد تدفئة الزيت وندهن بيها الشعر كويس وبعد ساعتين نغسله كويس بالمياه والشامبو .
النوع الرابع :-
- مياه الارز وبنعمله بنقع كوب من الارز سواء المصري او البسمتي علي 2 كوب من المياه وممكن نضيف عليه 2 ملعقه زيت زيتون ونتركه في الثلاجه لليوم التالي وبعد كده نصفي الارز وناخد المياه وندهن بيها الشعر كويس جدا ونتركه لمدة ساعتين علي الشعر ونشطف بالمياه الدافئه .
الخطوه الاخيره بعد غسل الشعر من حمام الكريم :-
- نغسل الشعر بالشامبو مره واحده في الاسبوع ويكون مخصص للاطفال وبعد حمام الكريم نغسل الشعر بخل التفاح وده بيهبط هيشان الشعر ويزيل القشرة ويعالج الفطريات من الفروة وده بيكون بأضافة 2 ملعقه من خل التفاح علي 4 اكواب من المياه بس لا يجوز استخدام خل التفاح للاطفال اقل من 4 سنوات .
وبعد غسل الشعر نجففه بقطعه من القماش القطن او الفوطه الميكروفيبر ( لان الفوط العاديه تكسر خصيلات الشعر ) وممكن نتركه مده قليله في الفوطه علشان يجف تماما .
الخطوه الاخيره :-
من مراحل العنايه بالشعر هي استخدام ( لايد ان ) يعني بلسم بس ينفع نتركه علي الشعر من غير ما نغسله ومن ضمن الانواع
- زبدة الشيا ودي بتنفع مع الشعر الكيرلي او الشعرالسميك .
- او قطعه صغيره من البلسم ونضيف عليه زيت بزور العنب من عند العطار وندهن بيه الشعر ونتركه وبكده بنكون رطبنا الشعر بالبلسم وغطينا الكريم بالزيت ( زيت الزيتون - زيت العنب )علشان نحافظ علي ترطيب الشعر من التطاير .
- ممكن نستخدم (جل الصبار او زيت الصبار + زيت الجوجوبا + زيت جوز الهند كبسولة فيتامين e )ونضعه في البخاخ وندهن بيه الشعر .
- ممكن نستخدم زبدة الشيا للشعر السميك بيكون كويس جدا وبيرطبه بطريقه ممتازه .
- واحنا بنعمل حمام الكريم او كريم الترطيب من الافضل اننا نقسم الشعر 4 اجزاء علشان نضمن ان الكريم او الزيت دخل جوا بصيلات الشعر مش من فوق الشعر .
- لازم نستمر علي حمام الكريم مده لا تقل عن شهر علشان نحس بالفرق مرتين في الاسبوع .