ايه اللي ينفع نعمله في الشقه من غير ميحصل مشكله
محتوي المقال [ عرض ]
- الممنوع فعله من تعديلات في شقق الاسكان .
- متي يتطلب تصريح من جهاز المدينة .
- المسموح فعله في شقق الاسكان .
- من المستفيد من اسطح العماره او الباركنيج .
الممنوع فعله في شقق الاسكان :-
- ممنوع تقفيل البلكونه ( الصغيره والكبيره ):-
بالكامل بالحديد من غير تصريح من الجهاز مع العلم ان الدور الاول بتكون متقفله شبابيك وبلكونه بالحديد للمستلم .
ممنوع تغير لون البلكونه الكبيره اللي بتكون واجهة العماره .
ممنوع تركيب منشر غسيل في البلكونه الكبيره مع العلم انه تم وقف تسليم شقق للحاجزين في مدينة الغردقه بسبب عمل الحاجزين لمناشر غسيل .
ممنوع استبدال الشبابيك الخشبية باشبابيك الوميتال لانه بيكون تغييرفي واجهة العماره لكن يمكن تركيب الشباك الالوميتال من داخل الشقه بديل للدرفه السلك .
ممنوع يتركب اطباق الدش في البلكونه علشان واجهة العماره لكن ممكن يتركب علي اسطح العماير مع عدم تثبيت الاطباق بالمسامير لكي لا يتأثر ( عزل الاسطح ) ويتم تثبيته بالاسمنت .
المسموح في شقق الاسكان :-
يسمح تركيب حديد علي شباك المطبخ والحمام بدون الرجوع الي الجهاز .
يسمح بتركيب حديد علي شبابيك غرف النوم بحيث لا تضر بواجهة العماره يعني الحديد بيكون بين الشباك الخشب والزجاج .
يسمح باستبدال باب الشقه بباب مصفح او اضافة باب حديد عليه دون تصريح من الجهاز .
مسموح باجراء جميع التعديلات الداخليه مثل فتح غرفتين علي بعض او فتح غرفه علي الريسبشن او فتح المطبخ ليصبح امريكي بشرط عدم الاقتراب من اساس العماره .
ملحوظات مهمه :-
لو عايز تغير سيراميك الشقه بلاش تركبه علي السيراميك القديم علشان ده بيكون حمل علي السقف ومش هيتحمل الاوزان الثقيله ومن ناحيه تانيه لازم تغيره كل 5 سنوات فالاحسن انك تخلع السيراميك القديم وتركب الجديد .
- الحديقه الاماميه والخلفيه والباركينج وسطح العماره :-
ملكيه عامه ( منفعه عامه ) مش ملكيه خاصه يعني حق لكل سكان العماره الانتفاع به ونفس الكلام علي الحديقه فهي ليست حكرا علي احد .
لوانت هتقعد في الشقه بعد الاستلام او هتقفلها لازم تجيب (سخان وبوتجاز ) جديد علشان لو شركة الغاز دخلت الغاز ولكن يشترط انهم يكون جديد مش مستعمل .
